انشاء اللہ پاکستان ترقی کرے گا، شرح نمووَدھ گیا،عطاء اللہ تارڑ

اسلام آباد(بیوررپورٹ)وفاقی وزیر اطلاعات و نشریات عطا تارڑ نے آکھیا اے کہ ملک دشمن جماعت نے 9 مئی کیتا، ملک دشمن جماعت عالمی مالیاتی ادارے (آئی ایم ایف) دے نال پروگرام نوں سبوتاژ کرنا چاہندی اے،آئی ایم ایف دے دفتر سامنے احتجاج کرن والے مٹھی بھر عناصر نیں، کوئی ایہ نہ سمجھے اوہ پاکستان توں وڈھا اے، ملک دشمن جماعت قوم نوں امریکی سازش دا کہندی سی، ہُن آئی ایم ایف نوں کہہ رہے کہ امداد نہ دتی جائے،اونہاں نے آئی ایم ایف نوں خط لکھیا کہ شوکت ترین دی آڈیو تہاڈے سامنے اے، ایہ سازش بانی پی ٹی آئی دی ایما اُتے ہو رہی اے، نویں حکومت دے اقتدار سنبھالدیاں ہی معاشی صورتحال بہتر ہوئی،اسٹاک ایکسچینج وچ تیزی آئی، سرمایہ کاراں دا اعتماد ودھیا اے، نویں حکومت دے بعد دوست ملک مثبت جذبات دااظہار کر رہے نیں، پاکستان شہیداں، غازیاں تے سیاستداناں دیاں قربانیاں نال قائم و دائم اے،انشاء اللہ پاکستان ترقی کرے گا۔