بابر اعظم دوبارہ ون ڈے، ٹی ٹوئنٹی ٹیم دے کپتان مقرر

اسلام آباد(بیورورپورٹ)پاکستان کرکٹ بورڈ (پی سی بی)نے پاکستان کرکٹ ٹیم دے مایہ ناز بلے باز بابر اعظم نوںدوبارہ ون ڈے تے ٹی ٹوئنٹی دا کپتان مقرر کردتا۔پی سی بی ولوں ایکس اُتے جاری اعلامیے وچ آکھیا گیا کہ پی سی بی دی سلیکشن کمیٹی دی متفقہ تجویز دے بعد چیئرمین پی سی بی محسن نقوی نے بابر اعظم نوں قومی کرکٹ ٹیم دا وائٹ بال (ون ڈے تے ٹی ٹوئنٹی)کپتان مقرر کر دتا۔یاد رہے کہ پچھلے دناں پی سی بی نے بابر اعظم نوںاک وارفیر ٹی20 تے ون ڈے ٹیم دا کپتان بنان دی پیشکش کیتی وی جدکہ مایہ ناز بلے باز نے تینوں فارمیٹ دی کپتانی دین دا مطالبہ کیتا سی۔ رپورٹ مطابق پی سی بی بابر اعظم نوں وائٹ بال ٹیم دا کپتان بنانا چاہندا سی لیکن بابر اعظم نے تینوں فارمیٹ دی قیادت دا مطالبہ کیتا سی۔ذرائع مطابق ہورگل بات لئی پی سی بی سلیکشن کمیٹی دے اراکاناں نے کاکول جا کے بابر اعظم نال ملاقات کرن دا فیصلہ کیتا۔