سینیٹ الیکشن: پیپلز پارٹی سب توںوَدھ نشستاں لین وچ کامیاب

اسلام آباد(بیورورپورٹ)سینیٹ الیکشن وچ پاکستان پیپلز پارٹی سب توں وَدھ نشستاں لین وچ کامیاب ہو گئی۔سندھ توں سینیٹ دیاں 12 نشستاں وچوں پیپلز پارٹی نے 10 نشستاں حاصل کیتیاں، پیپلز پارٹی نے 5 جنرل نشستاں، 2 عورتاں، 2 ٹیکنو کریٹ تے اقلیتی نشست حاصل کرلئی۔اسلام آباد توں سینیٹ دیاں 2 نشستاں اُتے نتیجے مطابق جنرل نشست اُتے پیپلز پارٹی دے رانا محمود الحسن 224 ووٹ لے کے کامیاب ہوئے، جنرل نشست لئی آزاد امیدوار فرزند حسین شاہ نے 79 ووٹ حاصل کیتے۔اسلام آباد توں ٹیکنوکریٹ دی نشست اُتے مسلم لیگ ن دے اسحاق ڈار 222 ووٹ لے کے کامیاب ہوئے، ٹیکنوکریٹ نشست اُتے آزاد امیدوار انصر کیانی نے81ووٹ حاصل کیتے، ٹیکنو کریٹ تے جنرل سیٹ اُتے گنتی دے دوران 7، 7 ووٹ مسترد ہوئے۔پنجاب توں ٹینکو کریٹدی نشست اُتے وزیر خزانہ محمد اورنگزیب سینیٹر منتخب ہو گئے، سندھ توں آزاد امیدوار فیصل واوڈا جنرل نشست اُتے کامیاب ہو گئے۔سینیٹ دیاں 19خالی نشستاں اُتے ووٹ پائے گئے، سندھ دیاں10، پنجاب دیاں 5 تے اسلام آباد دیاں2 نشستاں اُتے ووٹنگ ہوئی۔بلوچستان دیاں11، پنجاب دیاں7جنرل نشستاں اُتے امیدوار بلامقابلہ منتخب ہوچکے نیں، پنجاب وچ عورتاں تے ٹیکنو کریٹ دیاں 2،2،1 اقلیتی نشست اُتے ووٹنگ ہوئی، وزیراعظم شہباز شریف تے قائد ن لیگ نواز شریف نے ووٹ کاسٹ کیتا۔