عمر ایوب قومی اسمبلی وچ اپوزیشن لیڈرمقرر

اسلام آباد(بیورورپورٹ)پاکستان تحریک انصاف دے حمایت یافتہ عمر ایوب قومی اسمبلی وچ اپوزیشن لیڈر مقررکردتے گئے۔قومی اسمبلی وچ قائد حزب اختلاف دے تقرردا مرحلہ مکمل ہو گیا، سپیکر ایازصادق نے پی ٹی آئی دے حمایت یافتہ عمر ایوب نوں اپوزیشن لیڈر ڈکلیئر کر دتا جس دا نوٹیفکیشن وی جاری کردتا گیا۔عمر ایوب نوٹیفکیشن اجرا دے بعد چیمبر وچ اپنیاں ذمہ داریاں سنبھالن گے۔اپوزیشن لیڈر لئی نامزد امیدوار عمر ایوب نے سپیکر نال ملاقات کیتی جس وچ ایاز صادق نے عمر ایوب دی درخواست دی تصدیق کر دتی، عمر ایوب قومی اسمبلی وچ آزاد ارکان دے اپوزیشن لیڈر ہون گے۔اپوزیشن لیڈر عمر ایوب نے آکھیا کہ بانی پی ٹی آئی تے قیادت دا مشکور ہاں، سپیکر قومی اسمبلی نے بلایا سی تے ساڈھی موجودگی وچ سکروٹنی کیتی۔نومنتخب اپوزیشن لیڈر بنن دے بعد عمر ایوب نے گل بات کر دیاں ہویاں آکھیا اے کہ متحد اپوزیشن کراںگے اتحادیاں نوں نال لے کے چلاں گے۔عمر ایوب دا کہنا سی کہ پہلی ترجیح پاکستان دی سالمیت تے عوام لئی کم کرنا اے، مہنگائی لاقانونیت بجلی وغیرہ دے ایشوزاُتے گل بات کراں گے، لاقانونیت نال ملک تے معاشرے نہیں چلدے۔