بانی پی ٹی آئی تے اسد عمر ریلی کَڈن اُتے درج مقدمے وچ بری

اسلام آباد(بیورورپورٹ)ڈسٹرکٹ اینڈ سیشن کورٹ اسلام آباد نے بانی پی ٹی آئی تے اسد عمر نوں ریلی کَڈن اُتے درج مقدمے وچ بری کر دتا۔جوڈیشل مجسٹریٹ مرید عباس نے عدلیہ دے حق وچ ریلی کَڈن دے معاملے اُتے تھانہ مارگلہ وچ درج مقدمے دی سماعت کیتی، ایس موقع اُتے وکیل سردار مصروف تے آمنہ علی عدالت ساہنمے پیش ہوئے۔دوران سماعت عدالت نے مقدمے دا فیصلہ سناندیاں ہویاں بانی پی ٹی آئی دے علاوہ اسد عمر، راجہ خرم نواز تے ہوراں ملزماں نوں وی بری کردتا۔واضح رہے کہ پچھلے دناں اسلام آباد ہائیکورٹ نے توشہ خانہ نیب کیس وچ بانی پی ٹی آئی تے بشری بی بی دی سزا معطل کیتی اے۔