وزیراعلی پنجاب نال اراکان اسمبلی دی ملاقات، مسائل توں آگاہ کیتا

لہور(پنجابی میڈیا)وزیراعلی پنجاب مریم نواز نال ارکان صوبائی اسمبلی نے ملاقات کیتی تے اپنے حلقیاں دے مسائل تے ضرورتاں توں آگاہ کیتا۔وزیراعلی پنجاب مریم نواز نال صوبائی اراکان اسمبلی چودھری شافع حسین، راجہ محمد اسلم خان، خالد جاوید گھرال، مدد علی شاہ، چودھری اعجاز احمد، حسن عسکری شیخ، تاشفین صفدر، سلمی سعید تے سیدہ ثمرین تاج نے ملاقات کیتی۔اوس دے علاوہ سید علی حیدر گیلانی، ملک واصف مظہر، محمد اقبال، غضنفر علی خان، عامر علی شاہ، نرگس فائزہ ملک، رابعہ نذیر تے ہوراں وی ملاقات کرن والیاں وچ شامل سن۔ٹکٹ ہولڈر سعود مجید، ایم پی اے خالد ججہ تے پی پی رہنما ندیم افضل چن نے وی وزیراعلی پنجاب مریم نواز نال ملاقات کیتی۔ارکان صوبائی اسمبلی نے عوامی مسائل تے ضرورتاں توں وزیراعلی پنجاب نوں آگاہ کیتا تے اپنے حلقیاں وچ ڈویلپمنٹ لئی اپنیاں تجویزاں تے سفارشاں پیش کیتیاں۔وزیراعلی پنجاب مریم نواز نے اراکان اسمبلی دی تجاویز تے سفارشاں نوٹ کیتیاں تے قابل عمل تجویزاں اُتے عملدر آمد دے احکامات جاری کیتے۔