پرویزالہی نوں ضمنی الیکشن لڑن دی اجازت دین دافیصلہ چیلنج

لہور(پنجابی میڈیا)سابق وزیراعلی پنجاب چودھری پرویز الہی نوں ضمنی الیکشن لڑن دی اجازت دین لئی سنگل بنچ دا فیصلہ لہور ہائیکورٹ وچ چیلنج کر دتا گیا۔رہنما تحریک انصاف چودھری پرویز الہی نوں پی پی32 توں ضمنی الیکشن لڑن دی اجازت دین دے خلاف چودھری محمد ارشد نامی شہری نے لہور ہائیکورٹ وچ درخواست دائر کیتی جس وچ الیکشن کمیشن تے پرویز الہی سنے ہوراں نوں فریق بنایا گیا اے۔درخواست گزار نے موقف اختیار کیتا اے کہ سنگل بنچ نے قنون دے منافی چودھری پرویز الہی نوں الیکشن لڑن دی اجازت دتی۔درخواست وچ استدعا کیتئی گئی اے کہ لہور ہائیکورٹ سابق وزیراعلی پنجاب چودھری پرویز الہی نوں الیکشن لڑن دی اجازت دین دا سنگل بنچ دا فیصلہ کالعدم قراردیوے۔