آئی ایف سی دے پالیسی اقداماں پاروں آئی ٹی برآمدات ودھ گئیاں

لہور( پنجابی میڈیا)خصوصی سرمایہ کاری سہولت کونسل دے پالیسی اقداماں پاروں آئی ٹی برآمدات وچ ودھا ہویا اے۔اعدادوشمار مطابق فروری وچ انفارمیشن ٹیکنالوجی دی برآمدات257ملین ڈالر رہیاں،جیہڑیاںپچھلے ورھے دے ایسی عرصہ دے مقابلے وچ 32فیصد وَدھ نیں۔ایس مالی سال دے جولائی توں فروری تک دے8 مہینیاں دی مدت وچ آئی ٹی دی برآمدات 15فیصد ودھن نال 1.977بلین ڈالر تک رہیاں ۔اُچیچی سرمایہ کار ی سہولت کونسل نے پچھلے 8 مہینیاں وچ 15 وچوں 13مقرر کردہ اہداف حاصل کیتے جنہاں پاروں انفارمیشن ٹیکنالوجی سیکٹر نوں تقویت ملی تے برآمدات وچ ودھا ویکھن نوں ملیا۔