وزیر اعظم عمران خان دی آزاد کشمیر قانون ساز اسمبلی آمد

مظفر آباد ( بھلیکھا ٹی وی ) وزیر اعظم عمران خان یوم استحصال دے موقع تے آزاد کشمیرقانون ساز اسمبلی پہنچے تے اجلاس وچ شرکت کیتی ۔یوم استحصال کشمیر دے موقع اُتے وزیر اعظم عمران خان دی آزادکشمیر قانون ساز اسمبلی وچ آمد اُتے وزیر اعظم آزاد کشمیر راجہ فاروق حیدر نے استقبال کیتا ، اسمبلی اجلاس دی شروعات قومی ترانے نال ہوئی ، تلاوت قرآن پاک دی تلاوت توں بعد نعت شریف پڑھی گئی ، جس توں بعد شہدائے کشمیر لئی دعائے مغفرت کیتی گئی ، سپیکر شاہ غلام قادر نے استقبالیہ خطاب وچ آکھیا کہ وزیر اعظم عمران خان دا خیر مقدم کردے آں ، 5اگست نوں بھارتی اقدام دی پوری دُنیا نے مذمت کیتی اے ۔ رکن اسمبلی حسن ابراہیم نے آکھیا کہ بھارت نے5اگست نوں غیر قانونی اقدام کیتا ۔ کشمیری عوام توں اوہناں دا حق کوئی نہیں کھو سکدا ۔