سپریم کورٹ نے پشاور یونیورسٹی دے ملازماں دی اپیل سماعت لئی منظور کر لئی

لہور ( بھلیکھا ٹی وی ) سپریم کورٹ نے پشاور یونیورسٹی دے ملازماں دی اپیل سماعت لئی منظور کر لئی ، چیف جسٹس نے ریمارکس دتے کہ کنٹریکٹ وچ کیتیاں گئیاں بھرتیاں ای مستقل کرن ، کسی نوں نوکری توں فارغ نہیں کر سکدے ۔چیف جسٹس گلزار احمد دی سربراہی وچ دو رکنی بینچ نے پشاور یونیورسٹی ملازمین دی مستقلی بارے اپیل اُتے سماعت کیتی ، بینچ نے300لوکاں نوں مستقلی ، قانون ، بجٹ پوسٹ تے تشہیر بارے سوالات کیتے ،یونیورسٹی دے وکیل نے آکھیا کہ کجھ پوسٹاں اُتے تشہیر کیتی سی ، تے کجھ یونیورسٹی سنڈیکیٹ دے ذریعے بھرتی ہوئے سن ، چیف جسٹس نے ریمارکس دتے کہ قانون دے مطابق تین سال توں کنٹریکٹ ملازمت کرن والیاں نوں مستقل کیتا جا سکدا اے ، کنٹریکٹ وچ کیتیاں گیاں بھرتیاں مستقل کرن ۔