کورونا دم توڑن لگا، اک دن وچ 15موتاں، ہن تک 6ہزار 14بندے جاں بحق

اسلام آباد: کورونا دا زور ٹُٹ گیا، کیساں تے موتاں وچ مسلسل کمی ہون لگی، مہلک وائرس نے 15بندیاں دی جان لے لئی، جہدے بعد موتاں دی تعداد6ہزار14ہو گئی۔ پاکستان وچ کورونا دے تصدیق شدہ کیساں دی تعداد2لکھ 81ہزار 136ہو گئی۔نیشنل کمانڈ اینڈ آپریشن سینٹر دے تازہ ترین اعدادوشمار دے مطابق پچھلے 24 گھنٹیاں دے دوران 675 نویںکیسز رپورٹ ہوئے، پنجاب وچ 93 ہزار 571، سندھ وچ اک لکھ 22 ہزار 16، خیبر پختونخوا وچ 34 ہزار 324، بلوچستان وچ 11 ہزار 780، گلگت بلتستان وچ 2 ہزار 218، اسلام آباد وچ 15 ہزار 122 جد کہ آزاد کشمیر وچ 2 ہزار 105 کیسز رپورٹ ہوئے۔ملک بھر وچ ہن تک 20 لکھ 43 ہزار 870 بندیاں دے ٹیسٹ کیتے گئے، پچھلے24 گھنٹیاں دے دوران 11 ہزار 915 نویں ٹیسٹ کیتے گئے،ہن تک 2 لکھ 54 ہزار 286 مریض صحت یاب ہوچکے نیں جد کہ 872 مریضاں دی حالت تشویشناک اے۔پاکستان وچ کورونا نال اک دن وچ 15 افراد جاں بحق ہوگئے جہدے بعد وائرس نال مرن والیاں دی تعداد 6 ہزار 14 ہوگئی۔ پنجاب وچ 2 ہزار 157، سندھ وچ 2 ہزار 231، خیبر پختونخوا وچ اک ہزار 213، اسلام آباد وچ 167، بلوچستان وچ 136، گلگت بلتستان وچ 55 تے آزاد کشمیر وچ 55 مریض جان توں ہتھ دھو بیٹھے۔