وزیر اعلیٰ پنجاب دا تنقید دی پرواہ کیتے بغیر عوامی خدمت دا سفر جاری رکھن دا عزم

لہور( بھلیکھا ٹی وی ) وزیر اعلیٰ پنجاب عثمان بزدار نے آکھیا کہ تنقید دی پراہ کیتے بغیر عوامی خدمت دا سفر جاری رکھاں گا ، عوام نوں ریلیف دیون لئی اقدامات وچ کوئی رکاوٹ برداشت نہیں کیتی جائے گی ۔
وزیر اعلیٰ پنجاب عثمان بزدار نے اپنے بیان وچ آکھیا کہ موجودہ حکومت پاکستان دی شفاف ترین حکومت اے ، کدی غلط کم کیتا نہ ہی کسی نوں کرن دیاں گے، الزامات دی منفی سیاست کرن والیاں نوں ناکامی یا ساہمنا کرنا پئے گا ، وزیراعظم عمران خان دی قیادت وچ نوا پاکستان بن کے رہے گا ۔عثمان بزدار نے ہور آکھیا کہ شور مچاون والیاں دا کوئی مستقبل نہیں ، ایہ عناصر ہمیشہ پاکستان دی خوشحالی تے ترقی دے مخالف نیں ، 22کروڑ عوام ایس عناصر دے دوغلے چہرے پہچان چکی اے ۔