سفارتی سطح تے مودی دے ظلم و ستم نوں دنیا دے ساہمنے بے نقاب کرنا ہووے گا: شہباز شریف

مظفر آباد: شہباز شریف آکھیا اے دشمن پاکستان نوں میلی اکھ نال نہیں ویکھ سکدا، پاکستان دا ایٹمی طاقت ہونا خطے وچ امن دی گارنٹی اے، سفارتی سطح تے مودی دے ظلم و ستم نوں دنیا دے ساہمنے بے نقاب کرنا ہووے گا۔ قائد حزب اختلاف شہباز شریف نے آزاد کشمیر قنون ساز اسمبلی نال خطاب کردیاں آکھیا ذوالفقار بھٹو نے نیوکلیئر پروگرام دی بنیاد رکھی، نوازشریف نے پاکستان دے دفاع نوں ناقابل تسخیر بنایا، نوازشریف نے پنج ارب ڈالر دی پیشکش نوں ٹھکرایا، نیوکلیئر دھماکیاں دا کریڈٹ پوری قوم، افواج پاکستان نوں جاندا اے۔ شہباز شریف دا کہنا سی بھارت نے مقبوضہ کشمیر نوں 72ورھیاں توں لاک ڈاؤن وچ رکھیا اے، مودی گجرات دے مسلماناں دا قاتل اے، مودی معصوم کشمیریاں دا قاتل اے، 5اگست دا واقعہ خطے وچ عظیم سانحہ اے، مودی نے کشمیر اُتے غاصبانہ قبضہ کرکے وکھا دتا اوہ مسلمان دشمن اے۔