ایم ایل ون منصوبے نال پاک چین تعلقات ہور مضبوط ہون گے: شیخ رشید

اسلام آباد: وزیر ریلوے شیخ رشید آکھیا اے ایم ایل ون ریلوے منصوبے نال پاکستان تے چین وچکار تعلقات ہور مضبوط ہون گے۔ اسلام آباد وچ چینی سفیر یاؤ جنگ نال گل کردیاں اوہناں آکھیا ایہ منصوبہ پاکستان وچ ریلوے دے نظام نوں جدید خطوط تے استوار کرن ول پہلا قدم اے، ایہدے نال دیس وچ اقتصادی ترقی وی آئے گی۔ وفاقی وزیر آکھیا کراچی تے پشاور وچکار 6ارب 80کروڑ ڈالر دی لاگت نال اک ہزار 872کلومیٹر طویل نواں ریلوے ٹریک وچھایا جائے گا۔ ایس منصوبے نال ڈیڑھ لکھ بندیاں نوں بالواسطہ یا بلاواسطہ روزگار میسر آئے گا۔ ایس موقع تے گل کردیاں چینی سفیر دا کہنا سی ایم ایل ون پاکستانی عوام لئی اک وڈا منصوبہ اے جہڑادیس وچ سفری سہولتاں دے حوالے نال انقلاب برپا کرے گا۔ اوہناں نے کورونا وائرس تے جلد قابو پان تے حکومت پاکستان دی تعریف کیتی۔