ن لیگ پارٹی فنڈنگ کیس، سکروٹنی کمیٹی دا اجلاس 11دسمبر تک ملتوی

اسلام آباد: ن لیگ پارٹی فنڈنگ کیس وچ سکروٹنی کمیٹی دا اجلاس 11دسمبر تک ملتوی کر دتا گیا، مسلم لیگ (ن) نے چندہ دین والیاں دے شناختی کارڈ نمبر فراہم کرن لئی ہور ویلا منگ لیا۔ مسلم لیگ (ن) دی پارٹی فنڈنگ تحقیقات لئی الیکشن کمیشن سکروٹنی کمیٹی دا اجلاس ہویا، ن لیگ دے وکیل جہانگیر جدون تے درخواست گزار فرخ حبیب سکروٹنی کمیٹی دے ساہمنے پیش ہوئے۔

کمیٹی نے ن لیگ توں ڈونرز تے ایہناں دے شناختی کارڈز دی پوری تفصیلات طلب کیتیاں۔ ن لیگ دے وکیل جہانگیر جدون نے ڈونرز دے شناختی کارڈ فراہم کرن لئی ہور ویلا منگ لیا جہدے تے سکروٹنی کمیٹی دا اجلاس 11دسمبر تک ملتوی کر دتا گیا۔ واضح رہوے کہ مسلم لیگ (ن) نوازشریف نوں کرپشن کیساں وچ عدالت نے سزا سنا رکھی اے پر اوہ ایہناں دناں ضمانت تے لندن وچ زیر علاج نیں۔