سرکار نے ایف اے ٹی ایف لئی مفصل رپورٹ تیار کر لئی

اسلام آباد: رپورٹ وچ فنانشل ایکشن ٹاسک فورس (ایف اے ٹی ایف) نوں ہن تک دے اقدامات توں آگاہ کیتا جاوے گا۔ تفصیلات دے مطابق پاکستان ایف اے ٹی ایف حکام نوں مطمئن کرن لئی متحرک ہو چکیا اے۔

ایس سلسلے وچ ہن تک دے اقدامات تے مفصل رپورٹ تیار کر لئی اے۔ ایف اے ٹی ایف 7دسمبر نوں ایس رپورٹ دا جائزہ لوے گی۔

وسیلیاں دے مطابق پاکستان نے ایف اے ٹی ایف نوں دہشت گرداں نوں رقوم، اثاثیاں تے زیورات دی منتقلی روکن لئی اقدامات توں آگاہ کیتا اے۔

رپورٹ وچ آکھیا گیا اے دہشت گرداں تک رقماں اپڑان دے 700کیسز دی تحقیقات کردیاں 190بندیاں دے خلاف کاروائی کیتی گئی۔

رپورٹ وچ آکھیا گیا دہشت گرداں تک رقماں منتقل کرن والے 170بندیاں نوں گرفتار کرکے کالعدم تنظیماں دی 1000جائیداداں ضبط کر دتیاں گئیاں نیں۔

ایہناں جائیداداں وچوں 35دے مالکان دے خلاف تحقیقات جاری نیں جد کہ ہور 150قیمتی جائیداداں دی وی تحقیقات شروع کر دتیاں گئیاں نیں۔ سرکار کرنسی سمگلنگ دے خلاف وی بھرپور اقدامات کر رہی اے۔