سرکار تے اپوزیشن وچ ڈیڈ لاک، الیکشن کمیشن ارکان دا تقرر 1ہفتے لئی موخر

اسلام آباد: سرکار تے اپوزیشن وچ الیکشن کمیشن اراکین دے تقرر دے حوالے نال ڈیڈ لاک برقرار اے، اراکین دا تقرر اک ہفتے لئی موخر کر دتا گیا۔ پارلیمانی کمیٹی دا کہنا اے چیف الیکشن کمشنر تے اراکین دا تقرر ہن اکٹھا ای ہووے گا۔

الیکشن کمیشن 6دسمبر توں غیر فعال ہو جاوے گا۔

سینیٹ وچ قائد ایوان شبلی فراز نے اپوزیشن دے معاملے نوں سپریم کورٹ لے جان نوں غیر ضروری قرار دے دتا۔ اوہناں آکھیا ہر معاملے نوں عدالتاں وچ لے جانا پارلیمنٹ نوں کمزور کرن دے مترادف اے، آئینی معاملیاں نوں عدالتاں وچ لے جان نال پارلیمنٹ تے سیاسی نظام کمزور ہووے گا۔

شبلی فراز دا کہنا سی اپوزیشن چیف الیکشن کمیشن دے معاملے تے عدالت جاندی اے تے ایہ غیر ضروری اقدام ہووے گا، الیکشن کمیشن دے چار ممبراں وچوں سینئر ترین ممبر قائم مقام چیف الیکشن کمشنر ہووے گا۔