جعلی اکاؤنٹس کیسز: ایڈیشنل پراسیکیوٹر جنرل نیب نیئر رضوی مستعفی

اسلام آباد: جعلی اکاؤنٹس کیساں دی نگرانی کرن والے ایڈیشنل پراسیکیوٹر جنرل نیب مستعفی ہو گئے۔ نیئر رضوی نے استعفیٰ چیئرمین نیب نوں گھل دتا۔

جعلی اکاؤنٹس کیساں دی پراسیکیوشن ٹیم دے سربراہ ایڈیشنل پراسیکیوٹر جنرل نیب نیئر رضوی نوں ایس ورھے فروری تعینات کیتا گیا۔ چیئرمین نیب نوں گھلے گئے خط وچ نیئر رضوی نے لکھیا کہ اک ورھے دے دوران نیب وچ پوری دیانتداری دے نال خدمات سرانجام دتیاں۔

نیئر رضوی آکھیا ذاتی مصروفیات تے نجی پریکٹس دی وجہ توں نیب وچ خدمات جاری نہیں رکھ سکدا، اک مہینے دا نوٹس دے رہیا آں، چار جنوری توں نیب نوں دستیاب نہیں ہوواں گا۔ نیئر رضوی نے اسلام آباد ہائی کورٹ توں جعلی اکاؤنٹس کیساں وچ آصف زرداری تے فریال تالپور دی ضمانت قبل از گرفتاری خارج کروائی سی۔