عثمان بزدار دی لہور وچ خون دی بیماریاں دے علاج لئی ہسپتال بنان دی منظوری

لہور: وزیراعلیٰ پنجاب عثمان بزدار نے لہور وچ خون دیاں بیماریاں دے علاج لئی وڈا ہسپتال بنان دی منظوری دے دتی۔

انسٹی ٹیوٹ آف بلڈ ڈزیز وچ 500بیڈز ہون گے، ہسپتال دے قیام تے 5ارب روپے دی لاگت آوے گی۔

وزیراعلیٰ پنجاب نے ڈاکٹر طاہر شمسی نال ملاقات دے بعد ہسپتال بنان دا فیصلہ کیتا۔ ڈاکٹر طاہر شمسی نے وزیراعلیٰ دی توجہ خون دیاں بیماریاں ول مبذول کرائی۔ سردار عثمان بزدار آکھیا خون دیاں بیماریاں دے مریضاں نوں مفت علاج دی سہولت دیواں گے۔

عثمان بزدار نے ایس ضمن وچ سفارشات تے ایکشن پلان منگ لیا۔ وزیراعلیٰ جناح ہسپتال وچ انسٹی ٹیوٹ آف کارڈیالوجی بنان دا پہلاں ای اعلان کر چکے نیں۔ پنجاب حکومت دے ذریعے دے مطابق جناح ہسپتال وچ دل دے ہسپتال دے قیام لئی وی جلد اقدامات شروع ہون گے۔