سموگ دا خاتمہ، وزیراعظم نے حکومت پنجاب دی سفارشات دی منظوری دے دتی

اسلام آباد: وزیراعظم نے سموگ دے خاتمے لئی حکومت پنجاب دیاں سفارشاں دی منظوری دے دتی۔ پبلک ٹرانسپورٹ دیاں 250بساں نوں ہائیبرڈ یاں الیکٹرک تے منتقل کیتا جاوے گا۔

آئندہ پٹرول تے ڈیزل تے پبلک ٹرانسپورٹ چلان تے پابندی لاگو ہووے گی۔ پبلک ٹرانسپورٹ دیاں نویں بساں ہائیبرڈ، سی این جی یاں الیکٹرک دے ذریعے چلن گیاں، لہور وچ 60ہزار کنال اراضی تے جنگلات لان دا وی منصوبہ بنایا گیا اے۔

سٹیل رولنگ انڈسٹریز، اِٹاں دے بھٹیاں دے گرد وی شکنجہ تیار کر لیا گیا۔ اگلے ورھے دسمبر تک زگ زیگ ٹیکنالوجی تے منتقل کرن دی ڈیڈ لائن مقرر کر دتی گئی۔ وزیراعلیٰ پنجاب عثمان بزدار دا کہنا اے کہ اسیں آن والیاں نسلاں نوں صاف ستھرا ماحول دینا اے، فضائی آلودگی دے خاتمے لئی حکومت پنجاب سارے اقدامات تے عملدرآمد یقینی بناوے گی۔