سندھ حکومت دا صوبائی میڈیکل اینڈ ڈینٹل کونسل قائم کرن دا فیصلہ

کراچی: پاکستان میڈیکل اینڈ ڈینٹل کونسل دی تحلیل تے سندھ حکومت دا وڈا فیصلہ ساہمنے آ گیا۔ سندھ حکومت نے اپنا سندھ میڈیکل اینڈ ڈینٹل کونسل قائم کرن دا فیصلہ کر لیا۔ صوبائی وزیر صحت کہندیاں نیں پی ایم ڈی سی نوں فوری بحال ہونا چاہیدا اے۔

سندھ سیکرٹری کراچی وچ پریس کانفرنس دے دوران صوبائی وزیر صحت ڈاکٹر عذرا فضل پیچوہو نے آکھیا سندھ دی سطح تے جلد پاکستان میڈیکل اینڈ ڈینٹل کونسل دا قیام عمل وچ لیاواں گے۔ میڈیکل اینڈ ڈینٹل کونسل دے قیام لئی سندھ اسمبلی وچ بل لیایا جاوے گا۔

اوہناں آکھیا وفاقی حکومت نال گل کیتی سی پی ایم ڈی سی تحلیل نہ کیتی جاوے۔ حکومت دا پی ایم ڈی سی تحلیل کرن دا فیصلہ مناسب نہیں۔ اوہناں آکھیا پورے ملک وچ ڈینگی پھیلیا ہویا اے، ساڈے کول ڈینگی پروجیکٹ بہت چھوٹا اے، ڈینگی لئی حکمت عملی بنان جا رہے آں۔