کسے چور تے ڈاکو دے کیسز ختم نہیں ہون گے: وفاقی پارلیمانی سیکرٹری فرخ حبیب

فیصل آباد: وفاقی پارلیمانی سیکرٹری فرخ حبیب آکھیا اے لٹے ہوئے پیسے دا حساب منگن تے بیماریاں ساہمنے آ رہیاں نیں۔

اوہناں دا کہنا سی ناکامیاں دی وجہ توں مولانا فضل الرحمان وی ذہنی توازن گواچ بیٹھے نیں۔

بلاول بھٹو دے کہن تے نواں وزیراعظم تے نہیں آوے گا پر ایہناں دے ابو جان نوں منی لانڈرنگ دا حساب ضرور دینا پوے گا۔

فیصل آباد جی سی وویمن یونیورسٹی وچ منعقدہ ”وزیراعظم کامیاب جوان پروگرام” دی تقریب وچ رلت دے بعد میڈیا نال گل کردیاں پی ٹی آئی رہنما فرخ حبیب دا کہنا سی جدوں اقتدار ہوندا اے تے ایہ لوک ہشاش بشاش ہوندے نیں پر اقتدار جاندا اے تے ایہناں توں لٹے گئے پیسے دا حساب منگیا جاوے تے ساریاں بیماریاں باہر آ جاندیاں نیں۔

اوہناں دا کہنا سی جدوں تک عمران خان وزیراعظم نیں، کسے نوں این آر او نہیں دتا جاوے گا تے کسے چور ڈاکو دے کیسز ختم نہیں ہون گے۔

اوہناں آکھیا عمران خان نے جہڑا قوم نال وعدہ کیتا سی پورا کردتا۔