قومی اسمبلی اجلاس توں اپوزیشن دا واک آؤٹ، حکومتی اتحادی اختر مینگل وی چلے گئے

اسلام آباد: قومی اسمبلی وچ ہون والے اجلاس دے دوران اپوزیشن نے پروڈکشن آرڈر تے بولن دی اجازت نہ ملن تے احتجاجاً واک آؤٹ کر دتا، اپوزیشن دے نال حکومتی اتحادی اختر مینگل تے اوہناں دے ساتھی وی ایوان توں اٹھ کے چلے گئے۔

قومی اسمبلی اجلاس دے دوران اپوزیشن نے سوال کیتا کہ سپیکر دے جاری کیتے پروڈکشن آرڈڑز تے عملدرآمد کیوں نہیں ہو رہیا، خواجہ سعد رفیق نوں اجلاس وچ لیان وچ کون رکاوٹ اے۔ اپوزیشن اراکین نے رانا ثنا دے پروڈکشن آرڈر جاری نہ ہون تے وی احتجاج کیتا۔

بعدوں اپوزیشن اراکین واک آؤٹ کردیاں ایوان توں اٹھ کے چلے گئے، حکومتی اتحادی اختر مینگل نے وی ایس موقع تے اپوزیشن دا ساتھ دتا۔ بعدوں اپوزیشن نے گرفتار اراکین نوں ایوان وچ لیان تک اجلاس وچ رلت توں انکار کر دتا، کورم پورا نہ ہون تے اجلاس پیر تک ملتوی کر دتا گیا۔