بی آر ٹی منصوبے دی تحقیقات دا معاملہ، کے پی حکومت ہائی کورٹ دا فیصلہ چیلنج کرے گی

پشاور: خیبر پختونخوا حکومت نے بی آر ٹی منصوبے دی ایف آئی اے توں تحقیقات دے عدالتی فیصلے دے خلاف سپریم کورٹ نال رجوع کرن دا فیصلہ کر لیا۔

خیبر پختونخوا حکومت نے بی آر ٹی تحقیقات بارے پشاور ہائی کورٹ دے فیصلے دے خلاف سپریم کورٹ وچ کیس دائر کرن دا فیصلہ کیتا اے۔

ایڈووکیٹ جنرل خیبر پختونخوا شمائل احمد بٹ دے مطابق سپریم کورٹ نال رجوع کرن لئی کیس تیار کر لیا گیا اے، کیس اگلے ہفتے سپریم کورٹ وچ جمع کیتا جاوے گا۔ سرکاری حکام دے مطابق خیبر پختونخوا حکومت منصوبے بارے نیب دی تحقیقاتی رپورٹ تے حکم امتناعی حاصل کر چکی اے، تحقیقات لئی دوبارہ کیس نہیں کھولیا جا سکدا۔

واضح رہوے پشاور ہائی کورٹ نے پچھلے دناں بی آر ٹی بارے کیس دی سنوائی وچ ایف آئی اے نوں 45دن وچ منصوبے دی تحقیقات دا حکم دے رکھیا اے۔