پی ٹی آئی دی3خواتین ارکان اسمبلی دی نااہلی دے کیس دا فیصلہ محفوظ
اسلام آباد: پی ٹی آئی دی 3خواتین ارکان اسمبلی دی نااہلی دے کیس دا فیصلہ اسلام آباد ہائی کورٹ نے محفوظ کر لیا۔
کنول شوزب، ملائکہ بخاری تے تاشفین صفدر دی اہلیت نوں عدالت وچ چیلنج کیتا گیا سی۔ دسیا گیا اے ن لیگی اراکین ولوں تن خواتین ممبران قومی اسمبلی نوں 62ون ایف دے تحت نااہل کرن دی استدعا اسلام آباد ہائی کورٹ وچ کیتی گئی سی، دوران سماعت عدالت نے استفسار کیتا کیہ مخصوص نشست دی نااہلی لئی اج تک الیکشن ٹربیونل وچ کوئی کیس آیا۔
الیکشن کمیشن دے وکیل نے عدالت نوں آگاہ کیتا اجے تک مخصوصی نشست دی نااہلی لئی کوئی درخواست نہیں آئی۔
وکلائے طرفین دے دلائل سنن دے بعد جسٹس عامر فاروق نے پی ٹی آئی دی کنول شوزب، ملائکہ بخاری تے تاشفین صفدر دی اہلیت بارے فیصلہ محفوظ کر لیا۔ عدالت نال مسلم لیگ ن دی شائستہ پرویز تے طاہرہ بخاری نے پی ٹی آئی دی خواتین ارکان اسمبلی دی نااہلی لئی رجوع کیتا سی۔
Users Today : 417
Users Yesterday : 496
Total Users : 730720
Views Today : 1846
Total views : 11617276
Who's Online : 4
