ن لیگ دا مہنگائی دے خلاف 8دسمبر نوں ملک گیر احتجاج دا اعلان

اسلام آباد: اپوزیشن جماعت مسلم لیگ (ن) نے ملک وچ جاری مہنگائی دے خلاف 8دسمبر نوں ملک گیر احتجاج دا اعلان کر دتا اے۔

مسلم لیگ (ن) دے سینئر رہنما احسن اقبال نے سماجی رابطیاں دی ویب سائٹ ٹویٹر دے راہیں پارٹی دے فیصلے توں میڈیا نوں آگاہ کردیاں آکھیا بروز اتوار8دسمبر نوں ملک بھر وچ احتجاج کیتا جاوے گا۔

احسن اقبال نے اپنے ٹویٹ وچ لکھیا کہ حکومتی پالیسیاں نے غریب دی زندگی اجیرن کر دتی، بجلی تے گیس سستی کرن دا وعدہ کتھے گیا؟ 8دسمبر اتوار پاکستان مسلم لیگ (ن) ملک بھر وچ بجلی دے ریٹاں وچ وادھے تے ریکارڈ مہنگائی دے خلاف احتجاج کرے گی۔