پاکستان وچ کورونا دے مریض ودھن اُتے این سی او سی دا اظہار تشویش

اسلام آباد ( بھلیکھا ٹی وی ) این سی او سی نے پاکستان وچ کورونا دے مریض ودھن اُتے تشویش دا اظہار کر دتا ۔ جد کہ مجموعی صورتحال مستحکم اے ۔این سی او سی دا کورونا دی صورتحال اُتے اہم اجلاس ہویا، جس وچ کورونا دی صورتحال تے ایس او پیز دے تحت کھولے جان والے اداریاں دا وی جائزہ لتا گیا ۔ اجلاس نوں بریفنگ دیندیاں دسیا گیا کہ پاکستان وچ مجموعی طور اُتے صورت حال بہتر اے ، عوامی اجتماعات ، ہوٹل تے شادی ہال کورونا پھیلان دا مرکز بن چکے نیں۔عوامی مقامات اُتے ماہرین صحت دی ہدایت اُتے عمل نہیں ہو رہیا ۔این سی او سی اجلاس وچ کورونا دی ممکنہ دُجی لہر توں نمٹن لئی جامع حکمت عملی اُتے تبادلہ خیال کیتا گیا تے شراکت داراں دی مشاورت دا وی فیصلہ کیتا گیا، اتفاق رائے توں بعد آئندہ چند دناں وچ نویں حکمت عملی اُتے عمل درآمد شروع کیتا جائے گا ۔ایس موقع اُتے وفاقی وزیر اسد عمر نے آکھیا کہ عوامی صحت بنیادی اہمیت دی حامل اے ۔ کورونا نال نمٹن لئی قومی کامیابیاں نوں رائیگاں نیں جان دیاں گے ۔