جعلی اکاؤنٹس کیس: احتساب عدالت وچ اٹھواں ریفرنس دائر، 20ملزمان نامزد

اسلام آباد: جعلی اکاؤنٹس کیس وچ نیب نے سندھ بینک وچ قرضیاں توں کرپشن دا اٹھواں ریفرنس دائر کر دتا۔

ریفرنس وچ بلال شیخ، طارق احسن سنے 20ملزمان نامزد کیتے گئے نیں جہناں تے اومنی گروپ نوں 29ارب روپے دا قرضہ دین دا الزام اے۔ نیب ولوں دائر ریفرنس وچ ملزماں تے اومنی گروپ نوں 29ارب روپے دا قرضہ دین دا الزام اے، 29ارب روپے وچوں 25ارب روپے اجے تک واجب ادا نیں، 1.84بلین اومنی دی تن بے نامی کمپنیاں نوں فراڈ دے نال دتے گئے۔

ریفرنس وچ الزام لاگو کیتا گیا کہ 1.84بلین دا قرضہ سمٹ بینک دی کیپٹل نوں پورا کرن لئی دتے گئے، جعلی کمپنی اومنی دے ای 6ملازماں دے ناں تے بنائی گئی، بلال شیخ تے طارق احسن سندھ بینک دے صدر دے طور تے وی فرائض انجام دیندے رہے نیں۔ بلال شیخ تے طارق احسن جوڈیشل ریمانڈ تے اڈیالہ جیل وچ قید نیں۔ ریفرنس نوں سکروٹنی لئی رجسٹرار دفتر گھل دتا گیا اے۔