غیر متحدہ اپوزیش دی سازش موجودہ حکومت دا کجھ وی نہیں وگاڑ سکدی : فیاض الحسن چوہان

لہور ( بھلیکھا ٹی وی ) فیاض الحسن چوہان نے آکھیا کہ اک دفعہ فیر ٹھگاں نے عوام نوں بے وقوف بنان دے جتن کرنا شروع کر دتے ۔ مولانا فضل الرحمان نوں پی ڈی ایم دا سربراہ بنایا جانا انتہائی حیران کن اے ، رہی سہی غیر متحدہ اپوزیشن موجودہ حکومت دا کجھ وی نہیں وگاڑ سکدی ، وزیر اعظم عمران خان دی قیادت اُتے عوام دا اعتماد غیر متزلزل اے ۔وزیر اطلاعات پنجاب فیاض الحسن چوہان نے آکھیا کہ جیہڑا انسان خود اسمبلی نشست نہ جت سکیا ، اوہ اپوزیشن دی نمائندگی کس حیثیت نال کرے گا ۔ مولانا فضل الرحمن نے ہمیشہ اصول دے نال اُتے وصول دی سیاست کیتی ۔مولانا نے آزادی مارچ وچ اپوزشین توں کروڑاں اینٹھنے دے عوض نواز شریف دی باہر دے ملک جان دی راہ ہموار کیتی ، ہن ویکھنا اے کہ مولانا تے میم لیگ گٹھ جوڑ دا اونٹ کس کروٹ بیٹھدا اے ۔