مردم شماری دا عمل جس طرح دا وی سی ہن مکمل ہو چکیا اے : سپریم کورٹ

اسلام آباد ( بھلیکھا ٹی وی ) سپریم کورٹ وچ مردم شماری بارے درخواست دی سماعت وچ جسٹس مشیر عالم نے ریمارکس دتے کہ مردم شماری دا عمل جس طرح دا وی سی ہن مکمل ہو چکیا اے ۔
سپریم کورٹ وچ مردم شماری بارے ایم کیو ایم دی درخواست اُتے سماعت ہوئی ، جسٹس مشیر عالم دی سربراہی وچ تین رکنی بینچ نے کیس دی سماعت کیتی ۔سماعت دے دوران ایم کیو ایم دے وکیل صلاح الدین نے عدالت نوں دسیا کہ رجسٹرار آفس نے ایم کیو ایم دی درخواست اُتے اعتراض کیتا سی جس توں بعد مردم شماری دے اعدادو شمار بارے درخواست وچ ترمیم کر دتی اے ، ایس اُتے جسٹس منیب اختر نے آکھیا کہ مردم شماری دے بعد ہن بوہت وقت لنگ چکیا اے لہذا چنگا ہوئے گا کہ نویں درخواست دائر کرن ۔عدالت نے آکھیا کہ نویں درخواست دائر کرن جو واضح ہوئے ، مردم شماری اُتے اعتراضات نویں درخواست وچ چُکے جان ، مسلہ صرف اک دا نئی بلکہ ہور صوبیاں د ا وی اے ۔ ایم کیو ایم دے وکیل نے آکھیا کہ مشتر کہ مفادات کونسل نوں مردم شماری ڈیٹا دا آڈٹ کران دا فیصلہ کیتا سی ، درخواست وچ نشاہدہی کیتی کجھ علاقیاں وچ ووٹرودھ لیکن آبادی گھٹ دکھائی گئی ، درخواست وچ مردم شماری وچ ہون والیاں غلطیاں دی نشاندہی کیتی ۔