این سی او سی اجلاس، کورونا وائرس دی متوقع دوجی لہر بارے اہم فیصلے

اسلام آباد: این سی او سی دے اجلاس وچ دیس وچ کورونا وائرس دی متوقع دوجی لہر نال نبڑن دے حوالے نال اہم فیصلے کیتے گئے نیں۔ این سی او سی نے پورے دیس وچ کورونا دی صورتحال دا تفصیلی جائزہ لیا تے صحت دے رہنما خطوط تے پروٹوکول دے نال وکھو وکھ شعبیاں دے دوبارہ آغاز توں ایہناں شعبیاں تے ہون والے اثرات دے حوالے نال گل کیتی۔

ماہرین صحت نے فورم نوں دنیا بھر وچ تے خاص طور تے خطے تے پاکستان وچ ممکنہ دوجی لہر دے پھیلن دے حوالے نال آگاہ کیتا۔ فورم نوں دسیا گیا معاشرتی دوری تے لوکاں دے ماسک نہ پاؤن تے ایس او پیز بارے صحت دے رہنما خطوط تے عمل وچ کمی ویکھی جا رہی اے۔ گلے ملن نال عوام دی حفاظت تے صحت توں قطع نظر اک معمول بن گیا اے، خاص طور پر ریستوران، شادی ہالاں وچ ہون والی تقریبات تے وڈے وڈے اجتماعواں وچ ایس وائرس دے زیادہ کھلار دے خطرات نیں جتھے ماہرین صحت دی ہدایت دے مطابق ایس او پیز تے عمل نہیں کیتا جا رہیا اے۔

فورم نے عوام دی صحت تے حفاظت نوں یقینی بنان لئی وبائی مرض دی دوجی لہر دی جانچ پڑتال لئی موجودہ صورتحال دا جائزہ لین تے جامع ردعمل مرتب کرن دا فیصلہ کیتا جہڑا سارے سٹیک ہولڈراں دے نال وی شیئر کیتا جائے گا تے اتفاق رائے دے بعد ایہدے تے عملدرآمد دی حکمت عملی اگلے کجھ دن وچ جاری کر دتی جائے گی۔