جسٹس قاضی فائز عیسیٰ نے سندھ سرکار تے جرمانہ کر دتا

اسلام آباد: سپریم کورٹ نے اک کیس دی سماعت دے دوران سندھ سرکار نوں جرمانہ کر دتا۔ جسٹس قاضی فائز عیسیٰ دی سربراہی وچ قائم سپریم کورٹ دے دو رکنی بنچ نے کیس دی سماعت کیتی۔ عدالت نے ایڈیشنل ایڈووکیٹ جنرل سندھ دی مہلت منگن دی استدعا رد کر دتی تے سندھ سرکار نوں غیر ضروری التوا تے فریقین دے وکیلاں دے سفری اخراجات ادا کرن دا حکم دیندیاں ہوئیاں آکھیا سندھ سرکار اگلی سماعت توں پہلاں وکیل امداد علی تے ضمیر نوں 50,50ہزار روپے ادا کرے، دوواں وکلاء حیدر آباد تے سندھ توں آئے نیں ایہنوں نوں اخراجات ادا کیتے جان۔

جسٹس قاضی فائز عیسیٰ آکھیا ایڈیشنل ایڈووکیٹ جنرل سندھ تحریری جواب دی کاپی جمع نہیں کروا سکے۔ تہانوں جرمانہ کر رہے نیں دوواں وکیلاں نوں ادا کرن، پچھلی سماعت تے وی عدالت نے حاضری یقینی بنان دا حکم دتا سی۔ ایڈیشنل ایڈووکیٹ جنرل سندھ نے عدالت توں دو دن دی مہلت دین دی استدعا کیتی تے جسٹس قاضی فائز عیسیٰ آکھیا سادے کول التوا دا اختیار نہیں اے۔ عدال تنے کیس دی سماعت 5نومبر تک ملتوی کر دتی۔