ریلوے سنے 8سرکاری اداریاں دے سپیشل آڈٹ دا فیصلہ

اسلام آباد: وزارت خزانہ دی ہدایت تے 8سرکاری اداریاں دے سپیشل آڈٹ دا فیصلہ کیتا گیا اے۔ وسیلیاں دے مطابق پاکستان ریلویز، اے جی پی آر تے پاکستان پوسٹ دے جی پی فنڈز دا سپیشل آڈٹ کیتا جائے گا جد کہ سینٹرل ڈائریکٹوریٹ آف نیشنل سیونگز دے سپیشل آڈٹ دا وی فیصلہ کیتا گیا اے۔ ذرائع دا دسنا اے کہ جیالوجیکل سروے آف پاکستان تے پاکستان پبلک ورکس ڈیپارٹمنٹ دا وی سپیشل آڈٹ ہووے گا۔

ذرائع دے مطابق پراویڈنٹ فنڈ دی تقسیم قنون تے قاعدے دے مطابق ہوئی یا نہیں، ایہدا پتہ لاؤن لئی آڈٹ کرایا جائے گا، آڈٹ لئی سارے ادارے ٹیم نوں ریکارڈ دی فراہمی تے سوالاں دے جواب دین دے پابند ہون گے۔ ذرائع دا کہنا اے سپیشل آڈٹ دی رپورٹ دو مہینے دے اندر فنانس ڈویژن نوں گھلی جائے گی۔