نوجواناں لئی روزگار تے برآمدات ودھانا حکومت دی اولین ترجیح اے : وزیراعظم

اسلام آباد ( بھلیکھا ٹی وی )وزیر اعظم عمران خان نے آکھیا کہ نوجواناں نوں روزگاردینا تے برآمدات ودھانا حکومت دی اولین ترجیح وچ شامل اے ۔اوہناں نے اج اسلام آباد وچ چھوٹے تے در میانے درجے دے کاروباراں بارے قومی رابطہ کمیٹی دے اجلاس دی صدارت کر دیاں آکھیا کہ کاروباراں نوں فروغ دینا ساڈی ترجیحات وچ شامل اے اوہناں نے آکھیا کہ پچھلے 10وریاں توں چھوٹے تے درمیانے درجے دے کاروباراں نوں نظر انداز کیتا جا رہیا سی جس نال ملک دی معیشت اُتے منفی اثرات ہوئے ۔

وزیر اعظم عمران خان نے آکھیا کہ وفاقی حکومت دے سارے محکمے تے صوبائی حکومتاں نوں حکومت دی ترجیحات دے مطابق چھوٹے تے درمیانے درجے دے کاروبار دے فروغ اُتے خصوصی توجہ دینی چاہیدی اے ۔اوہناں نے آکھیا کہ حکومت قرض دی فراہمی ۔ آسان ٹیکس نظام تے کاروبااں دی سہولت سمیت چھوٹے تے درمیانے درجے دے کاروبار اں نوں ساریاں سہولتاں فراہم کرن لئی پُر عزم اے ۔