نون لیگ وچ جمہوریت دا پرچار دھوکہ اے : فواد چودھری

اسلام آباد ( بھلیکھا ٹی وی ) فواد چودھری نے آکھیا کہ مسلم لیگ وچ جمہوریت دا پر چار دھوکہ ، سینئر لوگ ہتھ بنھ کے تہانوں اُڈیک رہے نیں ، جمہوریت دا آغاز پارٹی توں کرن ۔وفاقی وزیر سائنس اینڈ ٹیکنالوجی فواد چودھری نے سماجی رابطے دی ویب سائٹ اُتے ٹویٹ کر دیاں آکھیا کہ دُنیا وچ ایسی مثال کدھرے نہیں ملدی کہ پارٹی اک شخص دے نام اُتے کھڑی کیتی جائے ، ایس دا مطلب ایہہ اے کہ پارٹی دا نظریہ صرف اک شخص دا ذاتی مفاد اے ،ورکراُوس شخص دے غلام بن کے اپنا فرض نبھان گے ۔ایسی پارٹی توں جمہوریت دا پر چار منافقت اے ۔