وزیر اعظم نال فیس بک دی سی او او دی ملاقات : آن لائن ودھدی نفرت اُتے اظہار تشویش

اسلام آباد ( بھلیکھا ٹی وی ) وزیر اعظم نے فیس بک دی چیف آپریٹنگ آفیسر شیرل سینڈ برگ نال ور چوئل ملاقات وچ ودھدی ہوئی آن لائن نفرت تے انتہا پسندی اُتے تشویش دا اظہار کیتا ، دوناں نے فیس بک دی رابطے دی سرمایہ کاری تے تحقیقی گرانٹ اُتی وی گل بات کیتی ۔وزیر اعظم آفس توں جاری اعلامیہ دے مطابق وزیر اعظم عمران خان تے فیس بک دی چیف آپریٹنگ آفیسر شیرل سینڈبرگ نال ورچوئل ملاقات وچ فیس بک دی سرمایہ کاری ، ڈیجیٹل خواندگی تے ہور اقدامات اُتے تبادلہ خیال کیتا گیا ۔

عمران خان نے پاکستان وچ فیس بک دی سرمایہ کاری تے ہور پرو گراماں دا وی خیر مقدم کیتا ، وزیر اعظم عمران خان نے نوجواناں تے کاروباری افراد نوں مواقع دین بارے وی فیس بک دے کردار دی تعریف کیتی ۔چیف آپریٹنگ آفیسر فیس بک نے آکھیا کہ فیس بک دی خونعطیہ کرن والی مہم وچ 5ملین توں ودھ پاکستانی نے ۔ پولیو توں پاک پاکستان دے حکومت دے مقصد لئی فیس بک دی مکمل حمایت شامل اے ۔ایس موقع اُتے وزیر اعظم عمران خان نے آکھیا کہ آن لائن نفرت انگیز مواد نوں روکنا اک بوہت وڈا چیلنج اے ، فیس بک روزگار دے مواقع پیدا کرن نال لوکاں نوں غربت توں کڈیا جا سکدا اے ڈیجیٹل پلیٹ فارم نوجواناں نوںکاروبار فراہم کر رہے نیں ۔