اے این ایف دی کراچی دے جزیرے وچ کاروائی، اک ارب روپے دی منشیات برآمد

کراچی: اے این ایف انٹیلی جنس نے کاروائی کرکے کشتی وچ لُکائی گئی 1ارب روپے توں ودھ مالیت دی منشیات برآمد کر لئی۔ اے این ایف انٹیلی جنس نے کراچی سمندر وچ وڈی کاروائی کردیاں ہوئیاں کشتی وچ لُکائی گئی ارب روپے توں ودھ مالیت دی چرس تے ہیروئن برآمد کر لئی۔

اے این ایف حکام دے مطابق خفیہ اطلاع تے کراچی دے اک جزیرے وچ آپریشن کیتا گیا تے ایس دوران ملزمان نے اے این ایف دی ٹیم تے فائرنگ کر دتی، فائرنگ دے تبادلے وچ ملزمان منشیات چھڈ کے فرار ہو گئے، پر تلاشی دے دوران کشتی وچ لُکائی گئی منشیات برآمد کر لئی ، منشیات وچ 426کلو گرام ہیروئن تے 57کلوگرام چرس شامل اے، جہدی عالمی منڈی وچ قیمت 1ارب روپے توں ودھ اے۔