موسمیاتی تبدیلیاں دے پاکستان اُتے بوہت اثرات مرتب ہو رہے نیں : چیئرمین این ڈی ایم اے

اسلام آباد ( بھلیکھا ٹی وی ) چیئرمین این ڈی ایم اے نے آکھیا کہ موسمیاتی تبدیلیاں دے پاکستان اُتے بوہت اثرات مرتب ہو رہے نیں ، ساہنوں اپنے سارے منصوبیاں وچ قدرتی آفات دے پہلو اُتے وی توجہ دینی چاہیدی اے۔ مربوط تعاون تے حکمت عملی نال ہی چیلنجزاں اُتے قابو پایا جا سکدا اے ۔

چیئرمین این ڈی ایم اے لیفٹیننٹ جنرل محمد افضل نے میڈیا نال گل بات کر دیاں آکھیا کہ کورونا تے ٹڈی دل چیلنجاں اُتے قابو پان لئی کامیاب حکمت عملی اپنائی ، ٹڈی دل چینلج اُتے قابو پانا باعث مسرت اے ۔این ڈی ایم اے نے ٹڈی دل خاتمے لئی بھر پور حصہ پایا ، اوہناں نے آکھیا کہ کورونا دے خدشات موجود نیں ، کورونا دے آغاز اُتے ساڈے کول حفاظتی سامان گھٹ سی ، اج800دے نیڑے وینٹی لیٹر ،30لکھ فیس ماسک موجود نیں ۔