اپوزیشن استعفے دیدے ؛ حکومت ختم ہو جائے گی : مصطفیٰ کمال

کراچی ( بھلیکھا ٹی وی ) مصطفیٰ کمال نے آکھیا کہ اپوزیشن استعفے دیدے ، حکومت ختم ہو جائے گی ، اک توں بعد اک پریس کانفرنس مکمل ڈرامہ اے ، اپوزیشن حکومت ڈیگے جد کہ حکومت اقتدار بچان وچ لگی ہوئی اے ، ایہہ ملک آٹو اُتے چل رہیا اے ۔چیئرمین پاک سر زمین پارٹی مصطفیٰ کمال نے میڈیا نال گل بات کر دیاں آکھیا کہ پورری قوم مایوس اے ، عوام نا امید ہو گئی اے ، کسی قوم نوں تباہ کرنا ہوئے تے اوس دی امید ختم کر دیو، ایہ اوہ شہر اے جو پورے ملک نوں ریونیوکما کے دیندا اے ، کراچی توں لیہ کے کشمور تک عوام نوں پیپلز پارٹی اُتے اعتبار نہیں ، کراچی وچ6مہنیاں دے دوران ڈیڑھ لکھ بالاں نوں کتیاں نے وڈھ لیا، کسی نوں سکولاں ، اسپتالاں تے پین والے صاف پانی دی فکر نہیں ۔مصطفیٰ کمال نے آکھیا کہ میاں صاحب! تسی جیہڑی گرین لائن دے کے گئے سو اوس نوں پیپلز پارٹی مکمل نہیں کر سکی ، تہاڈے دور وچ شروع ہون والا کے فور اجے تک مکمل نہیں ہو سکیا ، 2سال توں بعد کے فور منصوبہ ڈیزائن دی خرابی دی وجہ نال بند اے ۔ نواز شریف نے کدی سندھ حکومت توں کراچی دی صورتحال پُچھی ؟ پاکستان وچ اگر کسی دے کول زیادہ پیسہ اے تو اوہ وزیراعلیٰ سندھ کول اے، اک شخص پاکستان وچ پاور فل اے تے او وزیر اعلیٰ سندھ اے ۔