سی سی پی او لہور دا خفیہ اداریاں نوں مراسلہ، پلس ملازماں دے اثاثیاں دی تفصیلات طلب

لہور وچ ڈی ایس پیز تے ایس ایچ اوز سنے دوجے پلس ملازماں توں اثاثہ جات دی تفصیلات طلب کر لئیاں۔ سی سی پی او لہور عمر شیخ نے پلس ملازماں دے اثاثیاں دی تفصیلات لئی خفیہ اداریاں نوں مراسلہ گھلیا اے جہڑا سپیشل برانچ تے انٹیلی جنس بیورو نوں جاری کیتا گیا اے۔

سی سی پی او دے مراسلے وچ پہلے مرحلے وچ ڈی ایس پیز، ایس ایچ اوز تے انچارج انویسٹی گیشنز دا ریکارڈ طلب کیتا گیا اے۔ ایہدے علاوہ فیلڈ آفیسرز دی پوسٹنگ لئی اثاثیاں دے ڈیکلریشن دا مراسلہ وی جاری کیتا گیا اے۔ مراسلے دے متن وچ آکھیا گیا اے متعلقہ افسراں دی تنخواہ دے علاوہ دوجے کاروبار بارے خفیہ معلومات فراہم کیتی جان۔ سی سی پی او لہور دا کہنا اے آمدن توں ودھ اثاثے رکھن والے پلس افسراں دے خلاف محکمانہ تحقیقات ہون گیاں تے آئندہ کوئی وی پلس افسر اثاثیاں دی تفصیلات جمع کرائے بغیر فیلڈ وچ تعینات نہیں ہووے گا۔