نیب نے فراڈ دے مقدمیاں دے222متاثرین نوں7کروڑ توں ودھ رقم تقسیم کر دتی

اسلام آباد(بھلیکھا ٹی وی )قومی احتساب بیورو نے فراڈ، جعلسازی دے مقدمیاںدے222متاثرین وچ7کروڑ 30لکھ روپے دی رقم تقسیم کر دتی، ڈائریکٹر جنرل نیب راولپنڈی نے اک کروڑ دا چیک چیئرمین پی اے آ ر سی دے حوالے کیتا۔نیب اعلامیے دے مطابق این ٹی ایس فنڈز خورد برد کیس وچ اک کروڑ87لکھ روپے برآمد کیتے گئے جد کہ قومی احتساب بیورو نے نہال خان دے خلاف ریفرنس وچ138متاثرین نوں اک کروڑ47لکھ برآمد کیتے۔ڈی جی نیب راولپنڈی دا کہنا اے کہ فراڈ تے دھوکہ دہی نال لوکاں نوں اوہناں دی محنت دیکمائی توں محروم کیتا جاندا اے، اسلامی کاروبار تے ناماں دے ذریعے سادہ لوح عوام نوں دھوکا دتا جاندا اے، جعلی ہائوسنگ سوسائٹی دے ذریعے دھوکہ دہی نال لوکاں نوں لٹیا جا رہا اے۔