پی آئی اے دا عید میلاد النبیۖ تے خصوصی پیکیج دا اعلان

لہور: پی آئی اے نے عید میلاد النبیۖ دی مناسبت نال حجاز مقدسہ دے سفر تے 12فیصد خصوصی رعایت دتی اے۔ ترجمان پی آئی اے دے مطابق قومی ایئر لائن پی آئی اے نے عید میلاد النبیۖ تے خصوصی پیکیج متعارف کرایا اے تے جشن ولادت رسولۖ تے حجاز مقدسہ دے سفر تے صارفین نوں 12فیصد دی خصوصی رعایت دتی گئی اے۔ ترجمان دے مطابق یکم تا 12ربیع الاول دے دوران جدہ تے مدینہ منورہ سفر تے 12فیصد رعایت ہووے گی، خصوصی رعایت دے نال 12کلو اضافی سامان لے کے جان دی سہولت وی دتی جائے گی، پیکیج جدہ تے مدینہ منورہ جان والے تے آن والے دوواں سفر تے کارآمد ہووے گا۔ ترجمان پی آئی اے دا کہنا اے بحیثیت قومی ایئر لائن پی آئی اے ہمیشہ خصوصی مواقع جوش و جذبے نال مناندی اے، خصوصی پیکیج دا مقصد جشن ولادت رسولۖ دی خوشیاں وچ قوم دے نال شامل ہونا اے۔