پی ڈی ایم دے جلسے وچ کراچی دے کسی شہری نے رلت نہیں کیتی: مصطفی کمال

کراچی(پنجابی میڈیا گروپ) مصطفی کمال نے آکھیا کہ پی ڈی ایم دے جلسے وچ کراچی دے کسی شہری نے شرکت نہیں کیتی، شہر قائد والیاں لئی گیس، بتی سمیت سب کجھ مہنگا اے، وزیراعظم دا 11سو ارب دا پیکج لالی پاپ دے علاوہ کجھ نہیں۔چیئرمین پاک سرزمین پارٹی مصطفی کمال نے میڈیا نال گل بات کردیاں آکھیا کہ پی ڈی ایم جلسے وچ کراچی دے مسئلے اُتے کوئی گل نہیں کیتی گئی، کراچی وچ کتیاں دے وڈھن دی ویکسین نہیں اے، پچھلے سال این ایف سی ایوارڈ وچ سندھ نوں800ارب روپے ملے، سندھ وچ70لکھ بال سکولاں توں باہر نیں، کراچی وچ11 ہزار گھوسٹ سکول نیں۔ اوہناں نے آکھیا کہ سندھ نوں توڑن دی سازش کیتی گئی، کراچی وچ لسانی بنیادوں اُتے7ضلعیبنائے گئے نیں۔مصطفی کمال دا کہنا سی وزیراعظم نے کراچی لئی1100ارب روپے دا پیکج دتا، اوسی دن آکھیا سی کہ پیکج لالی پا پ اے، معیشت اجے تک بحال نہیں ہوئی تے بتی مہنگی کر دتیگئی۔