غزل
شکیل امجد صادق
اوہدی رنگت ڈھیر انگوری
ساڈے وچ مقدر دوری
خصلت ویکھ غلامی والی
آخر تیکر جی حضوری
میں ای نک نوں نیواں کیتا
اوسی اپنی گل دی پوری
ٹھنڈ قرار نوں میں کیہ جاناں
اندر بلدی یار تندوری
بالاں دا کیہ بلکنا جانے
جہدے کلے مجھ اے بھوری
پیار پریت تے بعد دی گل اے
ڈھڈی روٹی یار ضروری
ہیراں امجد کوڑے تمے
رانجھے لبھدی مٹھی پوری
Users Today : 80
Users Yesterday : 356
Total Users : 731989
Views Today : 406
Total views : 11622174
Who's Online : 1
