غزل

نور محمد نور

برہا دے گھر کلم کلاّ بیٹھا ہاں
تیرے باجھوں ہویا جھلا بیٹھا ہاں
مرہم مکیا ہے جد توں مسکاناں دا
دل نوں لا کے روگ اولاّ بیٹھا ہاں
گاہک ملے نہ بھاویں، پھٹی تے لکھ کے
گنواناں دا ملّ سولاّ بیٹھا ہاں
گونج سنے ہاسے دی وچّ خلاواں دے
چپ چپیتا میں ہی کلا بیٹھا ہاں
قصر نہیں اس نے وی چھڈی بولن دی
میں وی اڈیں اپنا پلہ بیٹھا ہاں
کنج بھلاں اوہ ڈوبو میری کشتی نوں
اج میں پڑھ کے کل ہو واللہ بیٹھا ہاں
چوکا، چھکا اک دن لگ ہی جاوے گا
میں آساں دا پھڑ کے بلاّ بیٹھا ہاں
دیکھاں گے کنج جت اساڈی نہیں ہندی
گلی نوں لا لمبا ٹلا بیٹھا ہاں
بخش دویں گا اک دن نور محمد نوں
ایسے آس سہارے تے بیٹھا ہاں