غزل

انور ندیم علوی

چھپ گئی کیویں خبر ایہہ شام دے اخبار وچ
دل دی گجھی گل وی آخر آ گئی بازار وچ
بادشاہ دے دل دی منشاء سمجھی اے قاضی نے خوب
قیمتی ہیرے جڑے نیں ویکھ لوو دستار وچ
جاگدی اکھاں دا ایہہ سُفنا اے یا عکسِ جمال
آپ آپوں لفظ سارے ڈھل گئے اشعار وچ
تیرے بُلھاں دے تبسم نے چمکن مہکاریا
وانگ جادو ہے اثر پیارے تیرے گفتار وچ
بھر دتا اے توں تے پورا خواہشاں دے جام نوں
ہن مزہ باقی نہیں انکار وچ‘ اقرار وچ
عشق دا طوفان کہڑے موڑ لے آیا ندیمؔ
چاراں پاسے یار دا جلوہ دِسے سنسار وچ