غزل
جان کاشمیری
جے ویکھن دا چج نہ ہووے
اکھاں دا فِر حج نہ ہووے
قسمت والے رَج دے ویکھے
سبھ دا ایتھے رَج نہ ہووے
سچ دی سیوا، رب دی سیوا
سچ دا چہرہ کج نہ ہووے
اُس نوں آکھو اللہ حافظ
جیہڑا وی کم اج نہ ہووے
سارے مَسْلَے حل ہو جاون
ایتھے جیکر جج نہ ہووے
وقت دا منشا ماشاء اللہ
عورت ہووے مج نہ ہووے
رب دا تحفہ سوہنی دنیا
میتھوں دنیا تج نہ ہووے
Users Today : 253
Users Yesterday : 395
Total Users : 731446
Views Today : 708
Total views : 11620000
Who's Online : 8
