غزل

نیلم ناہید درانی

چنگا چوکھا کھانا اے تے بچے دو ای چنگے نیں
ہس کے ڈنگ ٹپانا اے تے بچے دو ای چنگے نیں
آٹا وی نہ مہنگا ہووے‘ روٹی سستی لبھے
دیس خشحال بنانا اے تے بچے دو ای چنگے نیں
شیر دے بچے دو ہوندے نیں‘ کتے بلے بہتے
تسی وی شیر اکھوانا اے تے بچے دو ای چنگے نیں
بجلی‘ تیل‘ کتاباں‘ فیساں نال دوائیاں ڈھیراں
اپنا خرچ گھٹانا اے تے بچے دو ای چنگے نیں
پڑھ لکھ کے جے ناں کماوے اک سورج اک چن بن جاوے
علم دا چانن پانا اے تے بچے دو ای چنگے نیں