غزل

نور محمدنور

اوہ بنیا کنا ہتھیارا تکدا ہاں
جیون دا اک خاص نظارہ تکدا ہاں
دل اپر جو پیڑاں پا کے لنگھ جاوے
روز نواں اک اس دا لارا تکدا ہاں
نازک، نرم، ملوک، امید کوآری دے
سر پر دھریا پتھر بھارا تکدا ہاں
برہن راتاں نوں جد کوٹھے چڑھدا ہاں
روندا قسمت دا ہر تارہ تکدا ہاں
جوبن رتے تکیا جو مسکاناں چوں
ہن تک تیرا روپ کنوارہ تکدا ہاں
ایئر کنڈیشنڈ محلاں دے پرلے پاسے
دکھیاں نوں ہی میں دکھدارا تکدا ہاں
ریجھاں دی سنگھی تے بہہ کے’نور لئی
بھائیاں دا کیتا نپٹارا تکدا ہاں