غزل
یونس بھٹی
اوہدی اکھ چوں پیون دی اے اپنی چس
مترو اسراں جیون دی اے اپنی چس
مونہوں منگ کے لتی شے دا کیہ سواد؟
بن منگے ای ڈھیون دی اے اپنی چس
قسمے تیرے شہر اچ سجناں سانوں تے
کئی کئی وار لٹیون دی اے اپنی چس
عشقا تیری مار نجات اے اوڑک نوں
تیرے توں مریون دی اے اپنی چس
ایس زمانے اگے بھٹی جکھنا نہیں
ڈھیہہ ڈھیہہ فر اٹھیون دی اے اپنی چس
Users Today : 318
Users Yesterday : 495
Total Users : 731116
Views Today : 992
Total views : 11618814
Who's Online : 2
